أبكي عليكي يامصر
ولا أبكي علي مين
أبكي عليكي يامصر
ولاأبكي ع الحنين
ولا حزني وأنين
ولا ضياع السنين
والثوره في الرجلين
وولادك محرومين
في التوهه مطحونين
مشتتين في الميادين
تايهين في العناوين
من قله الرياحين
دمعي عليهم جف
وعيوني دبلانين
من القهر والأنين
والقلب باكي حزين
مذبوح بسكين
من عين الطمعانين
عيني عليكي...عيني
ياأم الصابرين
ولادك كلهم صاحين
حالفين مايناموا
إلا مايتمموا
الخامس والعشرين
وترجع فرحتك
بالورد والرياحين
وتأيد شموعك
ملو الكفين
وتشرق شمس الحرية
علي أرضك
ياأم الصابرين
ياأم الصابرين