راضى على احمد حسين
سوهاج- طهطا -عرب بخواج-0161259368
عضو نادى الأدب بطما
القلم الشجاع
القلم الشجاع أسد
كلامه يداوى جروح الغلابة
ويرسم الضحكة فوق الشفايف
وعمره مايبقى خايف
يقول الحقيقة فى وش الديابة
حبره الجرئ
سلاح بيحمى البرئ
يصحى جوانا الضمير اللى فسد
القلم الشجاع شمس بتنور
طريق الضلام
بيكشف كدب العيون ويكشف خداع
عنده مبادئ وحر
مهما السحابةعليه بتمر
ثابت على الجبهة
بيرصد الأوجاع
عمره ما يتهز
مهما فِـقر أوجاع
مهما تهديد على بابه دق
لازم يقول الحق
وعمره ما يتهور
القلم الشجاع
صاين كلمته عمره ماباع
بالغش فى سوق البضاعة اللى كسد
ولا بينافق عشان يتصور
وعشان كلمة الحق تظهر
يرفض سكوت
وبيموت
وبيضحى بالروح
قبل الجسد
القلم الشجاع فعلا ً أسد