راضى على احمد حسين
سوهاج- طهطا -عرب بخواج-0161259368
عضو نادى الأدب بطما
العشق القاتل
كل ما أحاول أبعد عنها
ألاقى نفسى ليها تتشد
وريحتها الفتانة بتجذبنى
وبحاول أبعد عنها تانى وتانى
ألاقى القسوة بتتعبنى
وقوامها الملفوف يغرينى
والشوق واللوعة بتغلبنى
واكح أكح
ونـَفـَسى مقطوع بجد
من كتر عذابها راح واتسد
أشيل الأمراض وبعانى
نارها بتحرق كل شبابي وتكويني
ضحكتها تكركر قدامى
بتهزمشاعرى
وهواها زى الشعرالمنساب يروينى
لما بشوفها بضعف بستسلم
وألاقي إيدي ليها تتمد
مش قادر أقاوم
وبأكد إنى على نفسى الجانى
والأمل الكداب يسرقنى
وبتهزمنى حقيقى سيجارة
والشيشة والكيف وحجارة
وألاقى حيلى فى لحظة اتهد