حبك مجرد كلام
*******
حبك حبيبي مجرد كلام
أقولك حبيبي تقولي سلام
حتي ع الورق مالوش عنوان
حبك حبيبي مجرد كلام
أقابلك أشوفك ..أكنه ماكان
تشوفني تقولي بقولك سلام
كانت حكايه وأنتهي الكلام
وكله مجرد.. مجرد كلام
حتي الكلام بقي بينا يادوب
تقابلني تقولي والله بدوب
أقولك بحبك تقولي هاتوب
وحبك مجرد حكايه يادوب
أقولك كلمه تقولي كفايه
ولما أبدأ أحكي الحكايه
تقولي فين البدايه
وفين النهايه
وإنسي أصلا أصل الحكايه
دي كانت مجرد حكايه وخلاص
فكره قديمه عرفوها الناس
بقولك أصلا إنسي الأساس
دا مجرد كلام بدون إحساس
كلمات::وفاء الزيني