يستعد حالياً الشاعر البورسعيدى الشاب معتز عبد الموجود لطباعة ديوانه
الأول "العيب في الذات الملكية" وهو ديوان شعر بالعامية المصرية والذى يصف
حب المواطن لبلده دون أية اعتبارات سياسية .
ويقول معتز
عبد الموجود "انا كنت متوقف عن الكتابة من ٧ سنوات للتركيز في الدراسة
والعمل كمهندس والحمد لله رجعت للكتابة من ٧ شهور فقط وشاركت فى أكثر من
مناسبة ثقافية ببورسعيد وفى القاهرة .
ويضيف عبد الموجود" انا شاركت في احتفالات عيد الفطر بلبنان كشاعر عامية ولاقيت اعجاب وترحاب كبير جداً
قمت
بعمل مبادرة وانا في لبنان لتنشيط السياحة في مصر اسمها "مصر بتفرح" ومن
خلالها اهديت حوالي ٢٠ تمثال فرعوني أثري للاماكن اللي شاركت فيها .
وده جزء من قصيدة "العيب في الذات الملكية"
من صُغري وشاغل تفكيري
بالروح والعيش والحريّة
وبفكّر في سعادِة غيري
وطموح وعدالة إجتماعية
وأحلم وأنا نايم في سريري
بحاجات كيفية وكَميّة
وبفكر دايماً في مشاكلك
وبتاكلي إزاي .. أو فين أكلك
وبحاول أتخيل شكلك
وعنيكي المرسومة الجاحظة
وأكتب لك ميت ألف ملاحظة
وأنا عمري ما شكيت لو لحظة
إنك ممكن تتهميني
بالعيب في الذات الملكية